İssey Miyake

İssey Miyake - geyim, aksessuar və ətir təqdim edən yapon dizayner markasıdır. Brendin yaradıcısı İssey Miyake Tokioda, Tama Art University-də qrafik dizayner ixtisası üzrə təhsil almışdır. Tələbə ikən öz kolleksiyasını təqdim edən dizayner, daha sonra Parisə gələrək Yüksək Moda Sindikat Məktəbi-ndə təhsilini davam etdirir.

50-60-cı illərdə Balenciaga ilə görüşən İssey, 1970-ci ildə öz markasını təsis edir. Yeni marka Nyu York və Tokio üçün 1973 -cü ildə nümayiş üçün bir kolleksiya hazırlayır və bu zamandan etibarən hər moda həftəsində iştirak edir. Geyim yaratmaq texnikası sayəsində marka dünya şöhrəti qazanır. İssei Miyake köməkçisi Dai Fujiwaranın köməyi ilə yeni bir texnologiyadan istifadə etməyə başlayır - bir qisim parçadan paltar hazırlayır.  Daha sonra brend kişi geyim kolleksiyası təqdim edir.

1999 -cu ildə markanın yaradıcısı və qurucusu Issei Miyake, yeni kolleksiyasını ictimaiyyətə təqdim etdikdən sonra, heç bir açıqlama vermədən vəzifəsini oğlu Naoki Takizavaya təhvil verir. Issei Miyake-nin ayrılmasından dərhal sonra, dizaynı onun özü tərəfindən hazırlanan ətir L'eau d'Issey istehsal olunur.